𑢬𑢷𑢩𑢥

𑢮𑣕𑣂 𑣋𑣂𑣕𑣂𑣄 𑣜𑣒𑣁𑣊𑣋𑣁, 𑢯𑣌𑣁𑣑 𑣏𑣖𑣘𑣃𑣜 𑢯𑣖𑣘𑣂𑣅𑣁 𑢫𑣙𑣁𑣞𑣂𑣜𑣁𑣖 𑢬𑣉𑣚 𑢶𑣃𑣜𑣃𑣌𑣃. 𑢬𑣘𑣈 𑣘𑣛𑣁𑣉 𑣆𑣏𑣂𑣍 𑣜𑣈𑣅𑣉, 𑣁𑣚𑣂𑣊 𑣘𑣛𑣁𑣉𑣅 𑣋𑣈𑣅𑣁 𑣚𑣂𑣊.

𑢶𑣉𑣓 𑣌𑣎𑣂 (The mind) Jul 28, 2020 0 401 Add to Reading List

𑢬𑣘𑣈 𑣘𑣛𑣁𑣉 𑣆𑣏𑣂𑣍 𑣜𑣈𑣅𑣉, 𑣁𑣚𑣂𑣊 𑣘𑣛𑣁𑣉𑣅 𑣋𑣈𑣅𑣁 𑣚𑣂𑣊. 𑢫𑣉𑣓𑣔𑣈 𑣚𑣂𑣍 𑣜𑣈𑣅𑣉𑣘𑣈 𑣁𑣘𑣈𑣖𑣁𑣓𑣌𑣉, 𑣂𑣚𑣂𑣊 𑣕𑣈𑣚𑣁 𑣁𑣕𑣀 𑣔𑣜𑣉𑣖𑣈𑣅𑣁. 𑢹𑣃𑣔𑣁 𑣔𑣉𑣝𑣕𑣃𑣜𑣘𑣈 𑣗𑣋𑣁𑣛𑣅 𑣜𑣈𑣔𑣉, 𑣁𑣚𑣂𑣊 𑣗𑣆 𑣇𑣜𑣁 𑣋𑣈𑣅𑣁 𑣚𑣂𑣊. 𑢹𑣗𑣁𑣜𑣊 𑣏𑣂𑣕𑣂 𑣌𑣘𑣈 𑣕𑣈𑣜𑣞𑣁𑣅 𑣜𑣈𑣅𑣉, 𑢶𑣈𑣓𑣔𑣉 𑣚𑣂𑣊 𑣜𑣌𑣁𑣗𑣈 𑣋𑣈 𑣁𑣅𑣁𑣜 𑣘𑣁. 𑢵𑣁𑣖 𑣜𑣃𑣇 𑣚𑣂𑣊 𑣜𑣈𑣙𑣉 𑣘𑣈, 𑢶𑣈𑣓𑣔𑣉 𑣌𑣚𑣂𑣊 𑣌𑣃𑣜𑣌𑣃𑣜𑣈𑣓𑣁. 𑢬𑣘𑣈 𑣞𑣗 𑣆𑣜𑣂 𑣚𑣂𑣊 𑣜𑣈𑣅𑣉, 𑢶𑣈𑣓𑣔𑣉 𑣚𑣂𑣊 𑣗𑣆 𑣋𑣈𑣅𑣁. 𑢬𑣘𑣈 𑣔𑣈𑣊𑣋𑣁 𑣚𑣂𑣊 𑣜𑣈𑣅𑣉, 𑢶𑣈𑣓𑣔𑣉 𑣚𑣂𑣊 𑣌𑣃𑣜𑣃𑣖𑣃𑣒𑣃𑣓 𑣋𑣈𑣅𑣁. 𑢬𑣒𑣁 𑣕𑣂𑣙𑣘𑣈 𑣜𑣘𑣃𑣑 𑣚𑣂𑣊 𑣜𑣈𑣅𑣉, 𑢶𑣈𑣓𑣔𑣉 𑣌𑣚𑣂𑣊 𑣗𑣉𑣜𑣉𑣅 𑣋𑣈𑣅𑣁. 𑢫𑣈𑣅𑣄 𑣚𑣂𑣊 𑣜𑣈𑣅𑣉 𑣘𑣈 𑢶𑣈𑣓𑣔𑣉 𑣚𑣂𑣊 𑣎𑣓𑣖 𑣜𑣃𑣁𑣓 𑣋𑣈𑣅𑣁. 𑢾𑣓𑣀 𑣕𑣚𑣂𑣊 𑣘𑣈 𑣔𑣓𑣁𑣊𑣈 𑣜𑣈𑣅𑣉, 𑢶𑣈𑣓𑣔𑣉 𑣚𑣂𑣊 𑣞𑣁𑣖𑣁𑣓𑣊𑣈 𑣋𑣈𑣅𑣁. 𑢧𑣔𑣃𑣜 𑣈𑣛𑣁𑣄 𑣚𑣂𑣊 𑣜𑣈𑣅𑣉 𑣘𑣈, 𑢶𑣈𑣓𑣔𑣉 𑣎𑣘𑣂𑣑 𑣕𑣂𑣌𑣂 𑣚𑣈𑣌𑣁𑣍 𑣎𑣃𑣖𑣊𑣈𑣓𑣁. 𑢬𑣘𑣈 𑣎𑣃𑣛𑣂 𑣋𑣕𑣂 𑣚𑣂𑣊 𑣜𑣈𑣅𑣉, 𑢶𑣈𑣓𑣔𑣉 𑣚𑣂𑣊 𑣇𑣛𑣃𑣄 𑣜𑣂𑣌𑣁 𑣘𑣈𑣅𑣁 𑢩𑣕𑣉𑣚𑣚 : 𑢫𑣙𑣁𑣞𑣂𑣜𑣁𑣖 𑢯𑣖𑣘𑣂𑣅𑣁 𑢮𑣕𑣂 𑣋𑣂𑣕𑣂𑣄 𑣜𑣒𑣁𑣊𑣁, 𑢯𑣌𑣁𑣑 𑣏𑣖𑣘𑣃𑣜 𑢯𑣖𑣘𑣂𑣅𑣁 𑢫𑣙𑣁𑣞𑣂𑣜𑣁𑣖 𑢬𑣉𑣚 𑢶𑣃𑣜𑣃𑣌𑣃 𑢹𑣕𑣃 : 𑢯𑣙𑣉𑣒𑣁 𑣔𑣖𑣃𑣑𑣂𑣙 (𑢷𑣀𑣔𑣃 𑣋𑣉𑣛𑣁) 𑢸.𑢩. : 𑢷𑣙𑣚𑣃𑣘𑣓𑣂 𑢾𑣂𑣊𑣗𑣃𑣆, 𑢮𑣙𑣁𑣜𑣌𑣁𑣓𑣑𑣁