𑢾𑢨𑢠𑢥𑢡 𑢶𑢩𑢳

𑢳𑣖𑣁 𑣞𑣈𑣀𑣅𑣁 (Young talent) Jan 7, 2020 0 278 Add to Reading List

𑢾𑣂𑣜𑣎𑣉𑣓𑣄 𑣈𑣒𑣈𑣄 𑣈𑣞𑣃𑣋𑣈 𑣞𑣃𑣋𑣁𑣛𑣁. 𑢶𑣓𑣖𑣂𑣅𑣄 𑣚𑣀𑣔𑣁 𑣎𑣋𑣜 𑣜𑣈 𑣈𑣞𑣃 𑣘𑣃𑣜𑣄 𑣓𑣉𑣋𑣉𑣑 𑣖𑣉𑣜𑣉𑣈𑣄 𑣌𑣎𑣂 𑣎𑣋𑣜 𑣌𑣉 𑣘𑣒𑣃 𑣙𑣃𑣀𑣑𑣂𑣅𑣁 𑣌𑣓𑣁. 𑢳𑣈𑣓 𑢵 𑣔𑣂𑣝𑣃𑣖 𑣜𑣈 𑣙𑣂𑣀𑣞𑣁, 𑣏𑣈𑣓𑣒𑣁, 𑣜𑣁𑣋𑣉-𑣜𑣘𑣁𑣋𑣉, 𑣏𑣃𑣋𑣃𑣚𑣂𑣕𑣈 𑣘𑣈𑣒𑣈𑣄𑣅𑣁 𑣌𑣓 𑣙𑣃𑣔𑣁𑣜𑣈 𑣗𑣃𑣋𑣂𑣓 𑣙𑣉𑣜𑣁 𑣕𑣈𑣗𑣃 𑣞𑣈𑣞𑣈𑣓𑣏𑣁 𑣖𑣈𑣓𑣕𑣈 𑣋𑣉𑣓𑣉𑣊 𑣖𑣉𑣚𑣉𑣊𑣁𑣓 𑣙𑣉𑣛 𑣌𑣉 𑣋𑣈 𑣞𑣃𑣔𑣁𑣜𑣈𑣅𑣁. 𑢡𑣗𑣃 𑢹𑣉𑣉 𑣞𑣓𑣁𑣋𑣉𑣖 𑣌𑣉 𑣜𑣌𑣁 𑣜𑣂𑣌𑣅 𑣚𑣋𑣂𑣑 𑣙𑣉𑣉 𑣙𑣅𑣖 𑢹𑣗𑣁𑣜𑣊 𑢯𑣂𑣕𑣂 𑣕𑣈 𑣉𑣚 𑣗𑣑𑣈𑣄𑣈𑣙 𑣕𑣈𑣅𑣄 𑣈𑣞𑣃 𑣋𑣉𑣜𑣉𑣎𑣁. 𑢾𑣓𑣁𑣋𑣉𑣖𑣌𑣉𑣗𑣃 𑣞𑣋𑣉𑣖 𑣎𑣉𑣖𑣁 𑢺𑣂𑣘𑣂-𑣏𑣂𑣕𑣂, 𑢯𑣉𑣚𑣉𑣓, 𑢬𑣙𑣓𑣂, 𑢹𑣂𑣕𑣙𑣁𑣞𑣁𑣌𑣉𑣗𑣃 𑣉𑣚 𑣕𑣉𑣚 𑣎𑣉𑣖𑣁. 𑢡𑣗𑣃 𑣙𑣃𑣔𑣈 𑣘𑣜𑣏𑣂 𑣞𑣘𑣅 𑣚𑣋𑣂𑣑 𑣙𑣃𑣔𑣁 𑣁𑣜𑣞𑣂𑣜𑣈𑣗𑣃 𑣓𑣈𑣚𑣈𑣓 𑣕𑣈 𑣙𑣉𑣗𑣓𑣁. 𑢹𑣉𑣉 𑣙𑣃𑣔𑣁𑣜𑣈𑣓 𑣘𑣒𑣃𑣁𑣌𑣉 𑣞𑣉𑣗𑣈𑣓 𑣕𑣈𑣋𑣈 𑣎𑣉𑣌𑣁 𑣎𑣉𑣌𑣓 𑣉𑣚𑣌𑣉𑣙𑣗𑣃 𑣞𑣀𑣋𑣂 𑣆𑣑𑣈𑣅𑣁. 𑢷𑣃𑣋𑣂𑣓 𑣈𑣑𑣌𑣓 𑣎𑣋𑣜 𑣎𑣘𑣋𑣜𑣗𑣃 𑣞𑣉𑣔𑣉𑣜 𑣆𑣑𑣂𑣙𑣅𑣁. 𑢹𑣃𑣔𑣈 𑣜𑣈𑣅𑣄 𑣖𑣖𑣜𑣀𑣌𑣉𑣗𑣃 𑣏𑣂𑣜𑣋𑣚 𑣎𑣉𑣖𑣁.