𑢶𑢣𑢳𑢣 𑢹𑢩𑢻 𑢴𑢣𑢼𑢠 𑢼𑢨𑢥𑢤 𑢹𑢡𑢳𑢡𑢲𑢢𑢪

𑢶𑣃𑣓𑣃 𑣙𑣉𑣛 𑣔𑣃𑣜𑣀 𑣜𑣈𑣅𑣄 𑣕'𑣄𑣕𑣁𑣅𑣈 𑣕𑣈 𑣖𑣃𑣇𑣛𑣃 𑣆𑣞𑣂𑣖 𑣖𑣈𑣓𑣁𑣄 𑣏𑣂 𑣓𑣈𑣅𑣁 𑣌𑣉 𑣘𑣃𑣜𑣈𑣄 𑣕𑣈 𑣌𑣃𑣌𑣁𑣚𑣂 𑣙𑣘𑣁𑣚 𑣜𑣃𑣘𑣜𑣈 𑣖𑣈𑣓𑣁𑣄. 𑣓𑣈𑣓 𑣔𑣃𑣜𑣀 𑣌𑣉 𑣞𑣓𑣁𑣋𑣉𑣖 𑣜𑣈𑣁𑣄 𑣎𑣁𑣁𑣓 𑣓𑣂𑣅𑣖 𑣕𑣈 𑣌𑣁 𑣕𑣉𑣚𑣁 𑣌𑣓𑣁.𑢳𑣈𑣓 𑣔𑣃𑣜𑣀 𑣌𑣉𑣜𑣈 𑣎𑣁 𑣚𑣈𑣌𑣁𑣓 𑣎𑣋𑣁𑣄𑣉 𑣏𑣂 𑣕𑣉𑣓𑣉𑣚 𑣗𑣓𑣉𑣁𑣄 𑣁𑣄. 𑢬𑣎𑣂 𑣜𑣈𑣋𑣈 𑣖𑣈𑣓𑣁𑣄 "𑢾𑢨𑢳 𑢫𑢨 𑢾𑢣𑢹-𑢾𑢣𑢹𑢳 𑢬𑢡𑢫𑢢𑢫𑢨 𑢴𑢣𑢼𑢠" 𑣖𑣈𑣓 𑣚𑣈𑣌𑣁 𑣖𑣓𑣉𑣁𑣄 𑣙𑣉𑣛𑣉𑣖𑣙𑣁𑣅𑣄 𑣕𑣈 𑣙𑣛𑣂𑣕𑣁𑣓 𑣎𑣜𑣓𑣁 𑣔"𑣄 𑣚𑣈𑣌𑣁 𑣞𑣘𑣁 𑣞𑣉𑣅𑣕𑣁 𑣜𑣃𑣘 𑣕𑣈 𑣙𑣂𑣍𑣎𑣂 𑣉𑣚𑣕𑣁𑣓𑣁.𑢳𑣈𑣚𑣈𑣌𑣁𑣓 𑣔𑣃𑣜𑣀 𑣌𑣉𑣜𑣈 𑣎𑣁 𑣚𑣈𑣌𑣁𑣓 𑣙𑣂𑣀𑣞𑣁-𑣏𑣈𑣓𑣒𑣁 𑣁𑣜 𑣇𑣌𑣕𑣁 𑣇𑣛𑣃𑣄 𑣌𑣉 𑣌𑣁 𑣕𑣆𑣓𑣁. 𑢹𑣃𑣔𑣁 𑣜𑣈𑣓 𑣞𑣓𑣁𑣖 𑣙𑣉𑣛 𑣌𑣉 𑣜𑣁𑣀𑣞𑣁-𑣜𑣞𑣂𑣌𑣁, 𑣁𑣜𑣋𑣁𑣅𑣈 𑣁𑣘𑣁𑣜𑣋𑣁𑣅𑣈, 𑣚𑣀𑣑𑣔𑣁-𑣎𑣋𑣁𑣜 𑣈𑣖𑣁𑣓 𑣕𑣈𑣖𑣁𑣓 𑣚𑣋𑣂𑣑 𑣓𑣈𑣚𑣈𑣌𑣁𑣓 𑣔𑣃𑣜𑣀 𑣌𑣉 𑣔𑣃𑣜𑣀𑣅𑣅𑣁𑣄 ,𑣓𑣈𑣚𑣈𑣌𑣁𑣓 𑣙𑣉𑣛 𑣔𑣃𑣜𑣀 𑣜𑣈𑣁𑣄 𑣞𑣃𑣛𑣃𑣊 𑣞𑣃𑣜 𑣕𑣈𑣋𑣈 𑣎𑣂𑣗𑣉𑣓 𑣜𑣈𑣅𑣄 𑣌𑣁𑣀𑣆𑣞𑣂 𑣁𑣒𑣌𑣁𑣜 𑣏𑣂𑣜𑣋𑣈𑣚𑣉𑣁𑣄 𑣁𑣄. 𑢶𑣃𑣓𑣃 𑣙𑣉𑣛𑣉 𑣔𑣃𑣜𑣀 𑣌𑣉 𑣚𑣕𑣁𑣜 𑣇𑣊𑣋𑣃𑣚𑣁 𑣌𑣓 𑣚𑣈𑣌𑣁𑣕𑣈 𑣙𑣒𑣂𑣊 𑣔𑣆𑣅𑣉𑣁𑣄 𑣁𑣄---- 𑣡) 𑢸𑢩𑢼𑢩𑢷 𑢸𑢩𑢳𑢡𑢦 𑢴𑢣𑢼𑢠 𑣢) 𑢯𑢾𑢩-𑢷𑢾𑢩 𑢴𑢣𑢼𑢠 𑣣) 𑢴𑢩𑢾𑢵𑢣𑢼 𑢯𑢢 𑢽 𑢽𑢠𑢬𑢢𑢼 𑢴𑢣𑢼𑢠 𑣤) 𑢦𑢳𑢣𑢪 𑢴𑢣𑢼𑢠 𑣥) 𑢴𑢣𑢺𑢡𑢻 𑢴𑢣𑢸𑢣𑢺𑢡𑢻 𑢴𑢣𑢼𑢠 𑣦) 𑢴𑢡𑢾𑢡𑢠𑢨 𑢴𑢣𑢼𑢠 Contents 1 𑢸𑢩𑢼𑢩𑢷 𑢸𑢩𑢳𑢡𑢦 𑢴𑢣𑢼𑢠 2 𑢶𑢫𑢨 𑣘𑣉𑣜𑣉𑣗 3 𑢷𑢡𑢹 𑣘𑣉𑣜𑣉𑣗 4 𑢴𑢩𑢪 𑢸𑢩𑢼𑢩𑢷 𑢸𑢩𑢼𑢩𑢷 𑢸𑢩𑢳𑢡𑢦 𑢴𑢣𑢼𑢠 𑢹𑣉𑣛 𑣎𑣕𑣂𑣜𑣈 𑣘𑣉𑣜𑣉𑣗 𑣔𑣃𑣜𑣀 𑣗𑣜𑣁 𑣗𑣜𑣂 𑣜𑣈 𑣙𑣒𑣂𑣊 𑣌𑣁𑣓𑣁- 𑣡- 𑢾𑢢𑢼𑢮𑢩𑢳 𑢸𑢩𑢼𑢩𑢷- 𑢶𑣋𑣈 𑣘𑣉𑣜𑣉𑣗, 𑢷𑣁𑣙 𑣘𑣉𑣜𑣉𑣗 𑣢-𑢴𑢩𑢪 𑢸𑢩𑢼𑢩𑢷 - 𑢹𑣈𑣜𑣉𑣄 𑣘𑣉𑣜𑣉𑣗, 𑢮𑣉𑣖𑣓𑣁𑣖𑣁 𑣘𑣉𑣜𑣉𑣗 𑣣-𑢨𑢲𑢤 𑢸𑢩𑢼𑢩𑢷- 𑢾𑢢𑢼𑢮𑢩𑢳 𑢸𑢩𑢼𑢩𑢷 𑣖𑣈𑣓𑣜𑣈𑣔𑣉 "𑢶𑢫𑢨" 𑣉𑣓𑣑𑣉𑣄 "𑢷𑢡𑢹" 𑣓𑣈𑣚𑣉𑣄 𑣕𑣓𑣁. 𑢩𑣌𑣉𑣓𑣁 𑣏𑣂 𑣖𑣂𑣄 𑣞𑣂𑣜𑣖𑣁 𑣜𑣈 𑣖𑣂𑣞𑣁 𑣖𑣂𑣑 𑣖𑣉𑣎𑣉𑣌 𑣕𑣈 𑣖𑣓𑣁𑣕𑣂𑣊𑣉 𑣕𑣓𑣁. 𑢶𑣋𑣈 𑣘𑣉𑣜𑣉𑣗 𑣔𑣂𑣓 𑣖𑣃𑣓𑣑𑣂 𑣗𑣉𑣏𑣉𑣜, 𑣖𑣃𑣓𑣑𑣂 𑣁𑣜 𑣖𑣋𑣈 𑣏𑣀𑣑𑣃𑣄 𑣜𑣈𑣄 𑣜𑣈𑣅𑣄𑣙-𑣜𑣗𑣁𑣊 𑣞𑣁𑣙𑣞𑣁 𑣙𑣉𑣅𑣉 𑣗𑣉𑣚𑣉 𑣁𑣔𑣈𑣜 𑣕𑣓 𑣔𑣁𑣄 𑣕𑣈 𑣘𑣉𑣜𑣁 𑣕𑣈𑣓 𑣕𑣓𑣁. 𑢨𑣓𑣚𑣈𑣌𑣁 𑢷𑣁𑣙 𑣘𑣉𑣜𑣉𑣗𑣙 𑣏𑣀𑣑𑣃𑣄 𑣘𑣃𑣔𑣃𑣋𑣁𑣚 𑣜𑣈𑣅𑣁 𑣄 𑣘𑣆𑣜-𑣏𑣃𑣆𑣜 𑣜𑣀𑣞𑣁 𑣚𑣉𑣄 𑣕𑣈 𑣞𑣜𑣎𑣉𑣖 𑣖𑣑𑣋𑣌𑣉𑣖 𑣗𑣁𑣙 𑣑𑣉𑣚𑣁 𑣚𑣉𑣄 𑣕𑣈 𑣘𑣉𑣜𑣁𑣑𑣈𑣓 𑣕𑣓𑣁. 𑢳𑣈𑣚𑣌𑣁𑣓 𑣓𑣈𑣙𑣋𑣈 𑣗𑣁𑣋𑣁𑣓 𑣁𑣝𑣁𑣛𑣁 𑣜𑣈 𑣙𑣉𑣛𑣉 𑣎𑣁𑣕𑣂 𑣌𑣉𑣁𑣄 𑣙𑣛𑣂𑣕𑣁𑣓 𑣔𑣅 𑣜𑣈 𑣏𑣈𑣚 𑣏𑣘𑣈𑣚 𑣜𑣞𑣂𑣌𑣁 𑣆𑣓𑣃𑣊 𑣕𑣓 𑣚𑣈𑣌𑣁 𑣁𑣒𑣌𑣁𑣜𑣉𑣁𑣄 𑣕𑣓𑣁.𑣓𑣈𑣚𑣈𑣌𑣁𑣓 𑣝𑣃𑣋𑣁𑣛 𑣁𑣞𑣁𑣛𑣁𑣜𑣈 𑣝𑣜𑣂𑣋𑣈 𑣙𑣉𑣛 𑣎𑣕𑣂 𑣌𑣉𑣁 𑣖𑣉𑣏𑣁𑣅𑣈 𑣕𑣈 𑣓𑣈𑣚𑣈𑣌𑣁𑣓 𑣔𑣃𑣜𑣀 𑣌𑣉 𑢨-𑢨 𑣕𑣈𑣋𑣈 𑣎𑣂𑣗𑣉𑣓 𑣗𑣂𑣕𑣁𑣜 𑣌𑣉𑣖𑣘𑣁𑣅 𑣕𑣈 𑣉𑣚𑣚𑣁. 𑢶𑢫𑢨 𑣘𑣉𑣜𑣉𑣗 𑢠- 𑢡𑣓𑣁𑣔𑣈𑣜 𑢡-𑢫𑣉𑣖𑣁𑣙𑣜𑣁 𑢢- 𑢹𑣈𑣄𑣞𑣁𑣌𑣁𑣖 𑢣- 𑢩𑣕𑣈𑣆𑣚𑣂 𑢤-𑢫𑣃𑣜𑣂𑣄 𑣘𑣉𑣜𑣉𑣗 𑢥-𑢶𑣜𑣀 𑣖𑣋𑣈 𑣘𑣉𑣜𑣉𑣗 𑢦-𑢮𑣕𑣁𑣜𑣁 𑣘𑣉𑣜𑣉𑣗 𑢧-𑢹𑣜 𑣖𑣋𑣈𑣅𑣁/ 𑢹𑣜 𑣗𑣁𑣋𑣈𑣅𑣁 𑢷𑢡𑢹 𑣘𑣉𑣜𑣉𑣗 𑢠- 𑢫𑣈𑣓𑣁 𑢡- 𑢮𑣔𑣃𑣜 𑢦- 𑢬𑣈𑣖𑣒𑣁 𑢣- 𑢯𑣁𑣀𑣋𑣃𑣛𑣂𑣅𑣄 𑢤-𑢴𑣀𑣛𑣁𑣅𑣁 𑢴𑢩𑢪 𑢸𑢩𑢼𑢩𑢷 𑢹𑣈𑣜𑣉'𑣄 𑣘𑣉𑣜𑣉𑣗 𑢮𑣉𑣖𑣓𑣁𑣖𑣁 𑣘𑣉𑣜𑣉𑣗 𑣗𑣑𑣕𑣁 𑣇𑣚𑣂